कारागारका कैदीबन्दीलाई मुढा बनाउने तालिम

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

सोलुखुम्बु । कारागार कार्यालय सोलुखुम्बुका पुरुष कैदीबन्दीका लागि मुढा बनाउने सीपमूलक तालिम सञ्चालन गरिएको छ । घरेलु तथा साना उद्योग कार्यालय सोलुखुम्बुको आयोजना र कारागार कार्यालयको समन्वयमा बुधबारबाट १५ दिने सीपमूलक तालिम सुरु गरिएको हो ।

तालिमले कैदीबन्दीहरूको जीवनमा नयाँ सिप र आशाको किरण प्रदान गर्ने अपेक्षा गरिएको छ । तालिममा ३३ जना पुरुष कैदीबन्दीले सहभागिता जनाएका छन् । बाँस र डोरीको प्रयोगबाट मानिस बस्न मिल्ने मुढा बनाउने तालिम प्रदान गरी उनीहरूलाई स्वरोजगार बन्ने क्षमता प्रदान गर्न लागिएको प्रमुख जिल्ला अधिकारी अनोज कुमार घिमिरेले बताए । सीपमूलक तालिमले कैदीबन्दीहरूलाई समाजमा पुनःस्थापित हुन सहयोग पुग्ने उनको विश्वास छ । ‘तालिमबाट प्राप्त सिपका कारण उनीहरूले सजिलै आर्थिक उपार्जन गर्न सक्नेछन्, जसले उनीहरूको जीवनलाई सही दिशा प्रदान गर्नेछ’, घिमिरेले भने ।

तालिमको शुभारम्भ कार्यक्रममा घरेलु कार्यालयका उद्योग अधिकृत नारायण प्रसाद खतिवडा, कारागार प्रमुख सरस्वती रेग्मी, सशस्त्र प्रहरी नायब उपरीक्षक गोविन्द्र प्रसाद पोखरेल र जिल्ला प्रहरी कार्यालयका निरीक्षक प्रवीण श्रेष्ठको उपस्थिति रहेको थियो । तालिमले बाँस र डोरीको उपयोग गरेर मुढा बनाउने सीपमा मात्र नभई आत्मनिर्भर बन्ने सोचमा पनि बल पु¥याउने विश्वास गरिएको छ । यस तालिमले कैदीबन्दीहरूको खाली समयलाई उत्पादनशील बनाउन मद्दत गर्नुका साथै, आर्थिक लाभको अवसर प्रदान उद्योग अधिकृत नारायण प्रसाद खतिवडाले बताए ।