निर्वाचन सम्पन्न भएकामा अमेरिका र भारतको बधाई

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

काठमाडौं । नेपालमा बिहीबार शान्तिपूर्ण रुपमा प्रतिनिधिसभा सदस्यको निर्वाचन सम्पन्न भएसँगै मित्रराष्ट्रहरुले बधाई तथा शुभकामना व्यक्त गरेका छन् । अमेरिका र भारतले बिहीबार मतदान सम्पन्न भएसँगै नेपाललाई बधाई र शुभकामना व्यक्त गरेका हुन् ।

अमेरिकाले भनेको छ, ‘निर्वाचन सम्पन्न भएकोमा नेपाली जनतालाई हार्दिक बधाइ। आगामी सरकारसँग हाम्रा दुवै देशको समृद्धि र सुरक्षासम्बन्धी साझा लक्ष्यहरूमा सहकार्य गर्न हामी उत्सुक छौँ ।’ उसले समृद्धि र सुरक्षाका साझा लक्ष्यहरुमा सहकार्य गर्न तयार रहेको बताएको छ ।

त्यसैगरी भारतले पनि नेपालले सफलतापूर्वक आम निर्वाचन सम्पन्न गरेको भन्दै स्वागत गरेको छ। भारतीय विदेश मन्त्रालयका प्रवक्ता रणधीर जैसवालले उत्साहजनक सहभागिताका साथ नेपालमा लोकतान्त्रिक जनादेशको प्रयोग भएको उल्लेख गरेका छन् ।

‘गत वर्षको असामान्य अवस्थाको पृष्ठभूमिमा आयोजित यो चुनाव सफलतापूर्वक सम्पन्न गरेकोमा हामी प्रधानमन्त्री सुशीला कार्की, सरकार र नेपालका जनतासाथै सरोकारवालाहरूलाई बधाई दिन्छौँ’, जैसवालले भनेका छन् ।

भारतले नेपालको नयाँ सरकारसँग मिलेर काम गर्ने तत्परता पनि व्यक्त गरेको छ । ‘आपसी हितका लागि हाम्रा दुई देश र जनताबीचको बलियो सम्बन्धलाई अझ सुदृढ तुल्याउन हामी नेपालको नयाँ सरकारसँग मिलेर काम गर्न तत्पर छौँ’, जैसवालले भनेका छन् ।