काठमाडौँ । देशका विभिन्न भागबाट नियमित गस्तीमा रहेको प्रहरी टोलीले २८ जनालाई लागुऔषधसहित पक्राउ गरेको छ ।
केन्द्रीय प्रहरी समाचार कक्षका अनुसार कन्काई नगरपालिका–६ क्याम्पाबाट एक, झापाको भद्रपुर नगरपालिका–५ नरसिंह बगानबाट सात, सुनसरीको कोशी नगरपालिका–८ भान्टाबारीबाट एक र धनुषाको मिथिला नगरपालिका–१० रातुपुलबाट तीन जनालाई पक्राउ गरिएको छ ।
त्यसैगरी, नेपालगञ्ज उपमहानगरपालिका–१६ बाट तीन, बाँकेको जानकी गाउँपालिका–५ बाट एक, धनुषाधाम नगरपालिका–९ धारापानीबाट एक, कैलालीको टीकापुर नगरपालिका–९ बालुवाटारबाट दुई र लम्कीचुहा नगरपालिका–१ भरुवाबाट एक जनालाई पक्राउ गरिएको छ ।
त्यसैगरी, काठमाडौैँका विभिन्न स्थानबाट चार, बाँकेको कोहलपुर नगरपालिका–४ बेलनपुरबाट दुई र ललितपुरको बागमती गाउँपालिका–३ भट्टेडाँडाबाट दुई जनालाई पक्राउ गरिएको छ । बुधबार पक्राउ परेका केही अभियुक्तहरूबाट नगदसमेत बरामद भएको जनाइएको छ ।