पोखरामा बढाइएको राजस्व फिर्ता लिन काँग्रेसको माग

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

पोखरा । नेपाली कांग्रेस कास्की र पोखरा महानगर समितिले पोखरा महानगरपालिकाभित्र बढाइएको राजस्व तत्काल घटाउन माग गरेको छ । जिल्ला सभापति किशोरदत्त बराल र महानगर सभापति सुरेन्द्रमान बिजुक्छेले बुधबार संयुक्त विज्ञप्ति जारी गरी यस्तो माग गरेका हुन् ।

महानगरपालिका पोखरेली जनताको अभिभावकीय संस्था भएकाले जनताको हितमा काम गर्नुपर्नेतर्फ ध्यानाकर्षण गराइएकोे छ । ‘आर्थिक वर्ष ०८०/८१ का लागि बढाइएको राजस्व वृद्धि जनताको हितमा नभएकाले राजस्व वृद्धिमा पुनःविचार गर्न आवश्यक देखिएको छ’, विज्ञप्तिमा भनिएको छ । नेपाली कांग्रेस, कास्की र नेपाली कांग्रेस पोखरा महानगर समितिको तर्फबाट २०८० साउन २८ मा संयुक्त प्रेस विज्ञप्तिमार्फत अनुरोध गर्दा समेत पोखरा महानगरपालिकाले आजसम्म पनि आवश्यक निर्णय नगरेको भन्दै पुनः ध्यानाकर्षण गराउनुपरेको विज्ञप्तिमा उल्लेख छ । पोखरा महानगरपालिकाको आगामी कार्यपालिका बैठक तथा नगरसभामा यस सम्बन्धमा गम्भीर अध्ययन, छलफल र बहस गरी अनावश्यकरूपमा विभिन्न शीर्षकमा वृद्धि गरिएको राजस्व घटाएर जनताको पक्षमा निर्णय गर्न अनुरोध गरिएकोे छ ।

पार्टीको अनुरोधलाई बेवास्ता गरिएमा नेपाली कांग्रेस जनताको पक्षमा जस्तोसुकै दबाबमूलक कार्यक्रम सञ्चालन गर्न तयार रहेको स्पष्ट पारिएको छ । पोखरामा काँग्रेसबाट निर्वाचित भएका वडाध्यक्षले पनि राजस्व घटाउन माग गर्दै मंगलबार बोलाइएको कार्यपालिका बैठक बहिष्कार गरेका थिए ।