युक्रेनले आफ्नो खनिज भण्डार अमेरिकालाई नदिने

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

किएभ । युक्रेनी राष्ट्रपति भोलोडिमिर जेलेन्स्कीले युद्धमा सहयोगको बदलामा युक्रेनको खनिज भण्डारमा हिस्सा माग गर्ने अमेरिकाको प्रस्तावलाई अस्वीकार गरेका छन् । यो जानकारी अमेरिकी कोष सचिव स्कट बेसेन्टले आइतबार दिएका हुन् ।

सम्झौताअन्तर्गत अमेरिकाले युक्रेनको ग्रेफाइट, लिथियम र युरेनियम सहित सबै खनिज भण्डारमा ५० प्रतिशत हिस्सा मागेको थियो ।

अमेरिकाले युक्रेनलाई अहिलेसम्म दिइएको सबै सहयोगको बदलामा युक्रेनले आफ्नो दुर्लभ पृथ्वीको सामग्री उपलब्ध गराउनुपर्ने माग गरेको थियो । यद्यपि, यस सम्झौतामा अमेरिकाले ५० प्रतिशत खनिजपदार्थ लिएपछि सैन्य र आर्थिक सहायता प्रदान गर्न जारी राख्ने वा नराख्ने भन्ने कुरा उल्लेख गरिएको थिएन ।

फेब्रुअरी १२ मा, अमेरिकी अर्थमन्त्री स्कट बेसान्टले कीएभमा जेलेन्स्कीसँग भेट गरेका थिए । त्यतिबेला उनले देशको आधा खनिजको माग गरेका थिए । ट्रम्प प्रशासनका अधिकारीको यो पहिलो युक्रेन भ्रमण थियो । बन्द कोठामा भएको बैठकमा युक्रेनी राष्ट्रपतिले सम्झौता अस्वीकार गरेका हुन् ।

एक युक्रेनी ऊर्जा विज्ञले आइतबार अमेरिकाले युक्रेनको खनिजमा हिस्सेदारी मात्र खोजिरहेको नभई तेल र ग्यासजस्ता प्राकृतिक स्रोतहरू पनि कब्जा गर्न चाहेको बताएका छन् । यदि यो सम्झौतालाई अन्तिम रूप दिइएको भए, युक्रेनको स्रोतबाट हुने आम्दानीको आधा अधिकार अमेरिकाको हुने थियो ।