खानेपानीको समस्यामा काब्रेका वासिन्दा

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

दोलखा । जिल्लाको वैतेश्वर गाउँपालिका–४ काब्रेका स्थानीयले खानेपानी अभावको कारण धेरै समस्या भोग्नुपरेको छ । वडा नम्बर–४ काब्रेअन्तर्गत पर्ने खड्का टोल, स्वारा, बस्नेत टोल, ठूलोचौर, सिमचौर र विक टोलका स्थानीयले वर्षौँदेखि खानेपानीको समस्या खेप्नुपरेको हो ।

उनीहरूले गाउँपालिकामै खानेपानी मुहानको प्रमुख वडा आफूहरूको रहे पनि उपभोग गर्न नपाएको गुनासो गरेका छन् । शुक्रबार स्थानीयको गुनासो सुन्ने क्रममा खड्का टोल पुगेका गाउँपालिका अध्यक्ष छवि लामालाई उनीहरूले खानेपानी समस्या समाधान गरिदिन आग्रह गरे । गाउँमा भएका खानेपानी मुहानलाई राजनीतिक स्वार्थको आधारमा गाउँका जान्ने सुन्ने तथा वडाका जनप्रतिनिधिले अन्यत्र लगेको तर आफूहरूलाई उपभोग गर्न मिल्ने गरी एउटा धारो समेत नछाडेको उनीहरूको दुखेसो थियो । संघ तथा प्रदेश सरकारबाट आउने दर्जनौँ खानेपानी योजना आफ्नै घरमाथिबाट लैजाने गरेको तर आफूहरू भने सधैँ काकाकुल बनेर बच्नु परेको स्थानीय जितबहादुर दाहालले बताए ।

गाउँका अगुवा भनिनेहरूले नै आफूहरूको गाउँ छुट्याएर खानेपानी बाँड्ने गरेको उनको गुनासो छ । आफूहरूले भोट दिएर जिताएका जनप्रतिनिधिले समेत आफूहरूको गुनासो नसुनेको दाहालले बताए । स्थानीयसँगको भेटमा पालिका अध्यक्ष छवि लामाले सो क्षेत्रका स्थानीयको आवश्यकता र खानेपानी समस्या समाधान गर्ने बताए । अध्यक्ष लामाले आफू वैतेश्वर गाउँपालिकाको अध्यक्ष बनेको सात वर्ष बित्दा समेत यहाँका स्थानीयले आफ्ना समस्या लिएर पालिकामा नआएकाले समस्या खेप्नुपरेको उल्लेख गरे ।