‘शिथिल अर्थतन्त्र पर्यटनले चलायमान बनाउने’

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

काठमाडौं । उपप्रधान एवम् सहरी विकासमन्त्री प्रकाशमान सिंहले नेपालको अर्थतन्त्र चलायमान बनाउन पर्यटन क्षेत्रले महत्वपूर्ण भूमिका खेल्ने बताएका छन् । बुधबार कोशी प्रदेश पर्यटन वर्ष २०८२ घोषणा सभालाई सम्बोधन गर्दै उनले पर्यटनको क्षेत्रमा धेरै सम्भावना रहेको बताए ।

सांस्कृतिक विधिता, साहसिक खेल पर्यटनलगायतका प्रचुर सम्भावना रहेको कोशी प्रदेशले सिङ्गै देशको अर्थतन्त्रमा ठूलो योगदान पुर्याउने उनको भनाइ छ । ‘कोशी प्रदेश छिमेकी देश भारत र चीनसँग जोडिएको विश्वकै अग्लो सगरमाथादेखि होचो कचनाकवलसम्म पर्ने यो प्रदेश हो’, उनले भने, ‘यस पर्यटन वर्षमा पर्यटनमा आधारित भएर हुने गतिविधिले कोशी प्रदेशको मात्र होइन देशकै अर्थतन्त्रमा आएको शिथिलता चलायमान बनाउन यसले पर्याप्त मात्रामा टेवा पुर्याउने र योगदान गर्नेछ ।’

त्यस्तै, उपप्रधानमन्त्री सिंहले २८ प्रकारको लालीगुराँस एकै ठाउँमा पाइने स्थलसम्म यहाँ रहेकाले त्यसको प्रचारप्रसार गरेर पर्यटकका लागि आकर्षण केन्द्र बनाउन आग्रह गरे । कोशी प्रदेशले प्रारम्भ गरेको पर्यटन वर्ष अरू प्रदेशका लागि पनि नमुनाका रूपमा रहने उनले बताए । यस्तै, उनले पर्यटकीय क्षेत्रमा सडकलगायतका पूर्वाधार निर्माणमा सरकारले ध्यान दिने बताए । कार्यक्रममा उनले वर्तमान सरकारले जनतालाई केन्द्रमा राखेर काम गरिरहेको उल्लेख गरे । यसैगरी सहरी मन्त्रालयले नेपालका नगरहरूलाई अझ व्यवस्थित, सुन्दर र सुविधा सम्पन्न बनाउने काम अघि बढाएको जानकारी दिए ।