अमेरिका र इरानवीच दोस्रो चरणको वार्ता

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

रोम । अमेरिका र इरानबीच आणविक सम्झौतामा दोस्रो चरणको वार्ता इटालीको राजधानी रोममा सम्पन्न भएको छ । प्रारम्भिक चरणको वार्तालाई दुवै देशले रचनात्मक भनेर वर्णन गरेका छन् ।

वार्तामा अमेरिकी विशेष दूत स्टिभ विटकफ र इरानी विदेशमन्त्री अब्बास अराक्चीले भाग लिएका थिए । यद्यपि, अरक्ची र विटकफले प्रत्यक्ष कुराकानी गरे कि गरेनन् भन्ने कुरा अझै स्पष्ट छैन ।

सम्झौतामा दोस्रो चरणको वार्ता थियो । इरानले वार्ता धेरै फलदायी भएको र तेस्रो चरणको वार्ता अर्को हप्ता शनिबारबाट सुरु हुने बताएको छ । यसअघि बुधबार दुवै पक्षले प्राविधिक विषयमा छलफल गर्नेछन् ।

यसअघि इरानी विदेशमन्त्री अराक्चीले बिहीबार रुसी विदेशमन्त्री सर्गेई लाभरोभसँग कुरा गरेका थिए । यस क्रममा अराक्चीले अमेरिकाको मनसायमा विश्वास नगर्ने तर अझै पनि वार्ता गर्ने बताए ।

अमेरिका र इरानबीचको पहिलो वार्ता अप्रिल १२ मा ओमानमा भएको थियो । यसको मध्यस्थता ओमानका विदेशमन्त्री बद्र अल–बुसैदीले गरेका थिए । एक दशकपछि दुई देशबीच आणविक सम्झौतामा यो पहिलो आधिकारिक वार्ता थियो ।

संयुक्त राज्य अमेरिकासहितका पश्चिमी देशहरूले लामो समयदेखि इरानलाई आणविक हतियारहरू प्राप्त गर्न खोजिरहेको आरोप लगाएका छन् । उक्त आरोपलाई तेहरानले लगातार अस्वीकार गर्दै आएको छ र आफ्नो कार्यक्रम शान्तिपूर्ण नागरिक उद्देश्यका लागि हो भनेर जोड दिँदै आएको छ । इरानको सन् १९७९ को इस्लामिक क्रान्तिपछि तेहरान र वासिङ्टनबीच कुनै कूटनीतिक सम्बन्ध छैन ।