मितेरी सहकारी ठगी एक जना धरौटीमा छुटे, दुई जना कारागार चलान

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

ललितपुर । ललितपुरको मितेरी सहकारी ठगी प्रकरणमा पक्राउ परेकामध्ये एक जना धरौटीमा रिहा भएका छन् भने दुई जना पुर्पक्षका लागि कारागार चलान भएका छन् । ललितपुर अदालतका जिल्ला न्यायाधीश निर्मला योङ्याको इजलासले गत सोमबार दिएको आदेशअनुसार प्रतिवादी रहेका सुरेश अधिकारी सात लाख धरौटीमा रिहा भएका हुन् ।

अभियुक्तद्वय ज्योतिबहादुर भण्डारी र सुवास खत्री भने कारागार चलान भएका छन् । अधिकारीले बिहीबार सात लाख बुझाएपछि रिहा भएका छन् । महालक्ष्मीस्थानमा रहेको सहकारी ठगीमा आठ जनाविरुद्ध मुद्दा दर्ता भएको थियो । तीमध्ये उक्त तीन जनालाई नेपाल प्रहरीको केन्द्रीय अनुसन्धान ब्युरोले पक्राउ गरेको थियो ।

यही सहकारी ठगीमा कांग्रेस उपसभापति धनराज गुरुङकी पूर्वपत्नी ज्योति गुरुङको समेत संलग्नता देखिए पनि उनीसहित कुम्भराज गुरुङ, विजय कुमार राई, प्रितम अधिकारी र अर्जुन अराम भने फरार छन् ।

सहकारीको १४ करोड २९ लाख २४ हजार सात सय ५४ रुपैयाँ अपचलन भएको आरोप छ । यसबाहेक थप तीन करोड ४२ लाख ८२ हजार चार सय २० समेत गरी कुल १७ करोड ७२ लाख सात हजार एक सय ७४ रुपैयाँ बिगो कायम गरिएको छ । प्रतिवादीहरुमाथि अन्य ठगीजन्य कारोबारमा संलग्न रहेको भन्दै छुट्टाछुट्टैरुपमा ठगी, लिखत किर्ते, अभौतिक मुद्रालगायतका आरोप समेत लागेको छ ।