काठमाडौँ । नेसनल लाइफ इन्स्योरेन्स कम्पनीले आफ्ना अभिकर्ताहरूलाई एक दिने तालिम प्रदान गरेको छ । कम्पनीले जारी गरेको मासिक योजना मन्थन २०८२ मा तोकिएको व्यवसाय गरी छनौट भएका गण्डकी प्रदेशका सबै शाखा कार्यालयहरू र लुम्बिनी तथा बागमती प्रदेशका केही शाखा कार्यलयहरूमा आबद्ध रही कार्य गर्ने एक सय ८५ जना अभिकर्ताहरूलाई पोखरा स्थित होटल मेजेस्टिक लेक फ्रन्टमा बीमा क्षेत्रका चर्चित प्रशिक्षक काजिम रजाले प्रशिक्षण प्रदान गरेका थिए । प्रशिक्षणको क्रममा उनले एमडीआरटी, सीओटी र टीओटीको लक्ष्य प्राप्त गर्नका लागि विभिन्न उपायहरू अबलम्बन गरी फरक तरिकाले बजारमा प्रस्तुत हुने कलाको बारेमा प्रशिक्षण दिएका थिए ।
कार्यक्रममा कम्पनीका उप–प्रमुख कार्यकरी अधिकृत स्मृति राज कँडेलले यस प्रकारको तालिमबाट अभिकर्ताहरूको मनोबल वृद्धि भई आफ्नो व्यावसायिक लक्ष्य हासिल गर्न मद्दत पुग्ने भएको हुँदा कम्पनीले अभिकर्ताहरूलाई उत्कृष्ट तालिम दिने गरी प्रेरणा, प्रगति र पेशागत उत्कृष्टता भन्ने नारासहित मासिक योजना मन्थन जारी गरिएको र यो योजनामा देशैभरबाट सात सयभन्दा बढी छनौट भएका सबै अभिकर्ताहरूलाई पायक पर्ने विभिन्न स्थानहरूमा कार्यक्रम सञ्चालन गरिएको बताएकी थिइन् । साथै उनले शाखा स्तरिय प्रथम द्वितीय र तृतिय हुन सफल अभिकर्ताहरूलाई मायाको चिनो प्रदान गरेकी थिईन ।
कार्यक्रममा एजेन्सी बिभाग प्रमुख सुशिल प्रताप राणाले अभिकर्ताहरूलाई आजको तालिमबाट सिकेको ज्ञानलाई ब्यबहारमा उतारी प्रतिस्पर्धात्मक बजारमा आफुलाई अब्बल साबित गरेर देखाउनु हुनेछ भन्ने आपेक्षा रहेको बताए । पोलिसी सर्भिसिङ बिभाग प्रमुख सुस्मिता राणाले धन्यबाद ज्ञापन गरेको उक्त कार्यक्रममा सहभागी अभिकर्ताहरूले यस प्रकारको उत्कृष्ट तालिमबाट आफुहरूको मनोबल उच्च भएको हुँदा आगामी दिनहरूमा बिमा ब्यबसायमा अझ प्रगती गर्ने प्रेरणा मिलेको र सम्मान प्राप्त गर्दा आफ्नो मेहनतको कदर भएको बताएका थिए ।
