राष्ट्रिय तथ्याड्ढ कार्यालयले आगामी वैशाख २ गतेदेखि असार ८ गतेसम्म आर्थिक गणना गर्ने भएको छ । राष्ट्रिय तथ्याड्ढ कार्यालयका उपप्रमुख एवं तथ्याड्ढ अधिकारी ढुण्डीराज लामिछानेले ‘राष्ट्रिय आर्थिक गणना–२०८२’ को लागि तयारीका कामहरू भइरहेको जानकारी दिए ।राष्ट्रिय आर्थिक गणना सञ्चालन तथा सहकार्य गर्ने सन्दर्भमा सोमबार आयोजित कार्यक्रममा उनले आगामी चैत १ गतेदेखि ७७ जिल्लामा ८४ वटा कार्यालय स्थापना गरी स्थलगत रूपमा काम सुरू हुने बताए । उनका अनुसार उक्त गणनाका क्रममा तीन हजार नौ सय गणक र पाँच सय सुपरीवेक्षक प्रत्यक्ष सहभागी हुनेछन् ।
यस्तै तथ्याड्ढ कार्यालयले गर्न लागेको आर्थिक गणणालाई सफल र उपलब्धिमूलक बनाउने अभियानमा नेपाल उद्योग परिसंघले सहयोग गर्ने भएको छ । परिसंघका अध्यक्ष वीरेन्द्रराज पाण्डेले अभियानलाई सफल तुल्याउन सम्पूर्ण उद्योगी व्यवसायीका तर्फबाट सक्दो सहयोग हुने बताए । तथ्याड्ढ कार्यालयले मुलुकको समग्र आर्थिक परिदृष्यलाई झल्काउने आर्थिक गणनालाई सार्थक र परिणाममुखी तुल्याउन परिसङ्घसहित व्यावसायिक सङ्घसंस्थाका तर्फबाट आवश्यक सहयोगको अपेक्षा गरेको छ । तथ्याड्ढ अधिकृत दीनानाथ लम्सालले अनौपचारिक अर्थतन्त्रअन्तर्गत नियमानुसार दर्ता नभइ सञ्चालनमा रहेका व्यवसायलाई समेत गणनाको दायरामा ल्याई अर्थतन्त्रको वास्तविक आकार पत्ता लगाउने उद्देश्य रहेको बताए । यसअघि २०७५ सालमा पहिलो आर्थिक गणना भएको थियो । परिसङ्घका कार्यकारी महानिर्देशक डा घनश्याम पाण्डेको अध्यक्षतामा सम्पन्न अन्तक्र्रियामा उद्योगी व्यवसायीको उल्लेख्य सहभागिता रहेको थियो । यसैबीच सरकारले राष्ट्रिय आर्थिक गणना–२०८२ को तथ्याड्ढ संकलन गर्ने आदेश–२०८२ स्वीकृत गर्ने निर्णय गरेको छ ।
