रूसमाथि ईयूको पछिल्लो प्रतिबन्धको प्याकेज रोक्ने हंगेरीको चेतावनी

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

बुडापेस्ट । रुसविरुद्ध युरोपेली संघ (ईयू) को प्रतिबन्धको पछिल्लो प्याकेज रोक्ने हंगेरीले आइतबार चेतावनी दिएको छ । युक्रेनले हंगेरी आपूर्ति गर्ने पेट्रोलियम पदार्थको प्रमुख पाइपलाइन पुनः नखोलेसम्म ईयूको प्रतिबन्धको पछिल्लो प्याकेज रोक्ने हंगेरीका प्रधानमन्त्रीले आइतबार बताएका हुन् ।

‘प्रतिबन्धहरूको लागि हंगेरीको कुनै समर्थन छैन; रूसविरूद्ध ईयूले लगाउने घोषणा गरेको २०औँ प्रतिबन्ध प्याकेज अस्वीकार गरिनेछ’, प्रधानमन्त्री भिक्टर ओर्बानले एक्समा लेखेका छन् । ‘जबसम्म युक्रेनले ड्रुज्बा पाइपलाइनमार्फत हंगेरी र स्लोभाकियामा तेल ट्रान्जिट पुनः सुरु गर्दैन, हामी किएभका लागि महत्वपूर्ण निर्णयहरू अगाडि बढ्न दिनेछैनौँ’, विदेश मन्त्री पिटर सिजार्टोले एक्समा पोस्ट गरेको एक सन्देशमा पनि भनिएको छ । एएफपीका अनुसार स्लोभाकिया र हंगेरीमा रुसी तेल पुर्याउन आफ्नो क्षेत्र पार गर्ने ड्रुज्बा पाइपलाइन जनवरी २७ मा भएको रुसी आक्रमणबाट क्षतिग्रस्त भएको युक्रेनले बताएको छ ।

फेब्रुअरीको सुरूमा ईयूले रूसको विरूद्ध नयाँ प्रतिबन्धहरू प्रस्ताव गरेको थियो । बैंकिङ र ऊर्जा क्षेत्रहरूलाई लक्षित गर्दै सन् २०२२ फेब्रुअरी २४ मा रूसले युक्रेनमा आक्रमण गरेपछिको यो ईयूको २०औँ प्याकेज हो । युरोपेली आयोगले उसको व्यापार प्रतिरक्षा उपकरणलाई पनि सक्रिय गर्न चाहन्छ । यी उत्पादनहरू रूसमा पुनः निर्यात हुने उच्च जोखिम रहेको जनाउँदै ईयूले पहिलो पटक सबै मेसिन उपकरण र रेडियो उपकरणको निर्यातमा प्रतिबन्ध लगाउन चाहेको छ।