‘कोशी प्रदेश’ खारेज गर्ने माग सहित पहिचानवादीको आन्दोलन

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

विराटनगर । प्रदेश १ लाई ‘कोशी प्रदेश’ नामकरण गरेसँगै उक्त नाम खारेज गर्नुपर्ने मागसहित पहिचानवादी संघसंस्थाले आइतबार प्रदेशभर आम हड्ताल आह्वान गरेका छन् ।

सुनसरीको धरान र झापाको दमक, बिर्तामोडमा बाहेक अन्य ठाउँहरुमा आम हडताल त्यति कडा नभएको सुरक्षा स्रोतले बताएको छ । राजमार्गहरुमा ठूला र सार्वजनिक सवारी साधन नचले पनि निजी क्षेत्रका सवारी साधन आंशिक रुपमा चलेका थिए । बन्द गर्नेहरुले केही ठाउँमा फाट्टफुट्ट प्रदर्शन गरे पनि खासै प्रभावकारी नदेखिएको बताइएको छ ।

प्रदेश १ को पुनः नामकरण गरी कोशी प्रदेश रहँदा पनि आन्दोलनकारीको चित्त नबुझेर फेरि नामकरण गर्नुपर्ने उनीहरुको माग छ । प्रदेशको नाम ‘कोशी’ खारेज गरेर पुनः नामकरण गर्नुपर्ने भन्दै संघर्ष समितिले आन्दोलन गरे पनि साझा नाम के हुने भन्ने विषयमा आन्दोलनकारी नै विभाजित छन् ।

बन्द गराउने क्रममा झापाको दमकबाट किरात लिम्बुवान प्रदेश अभियानको संयोजक प्रेमदिप थाम्सुहाङ, संघीय लोकतान्त्रिक राष्ट्रिय मञ्चका दमक नगर अध्यक्ष याम लोरिङ्देन लगायत १५ जनालाई प्रहरीले पक्राउ गरेको छ ।

दमक बन्द गराउने क्रममा प्रहरीसँग डेढ घण्डा जति मुठभेड भएपछि केहि नेताहरु पक्राउ परेका छन् । झापाकै बिर्तामोडमा जसपाको केन्द्रीय सदस्य कुमार साम्यो, प्रदेश सदस्य गौरिमान राई, सामी पालुङ्वा, मित्र लिङ्देन लगायतलाई प्रहरीले पक्राउ गरेको छ । त्यसैगरी झापाकै काँकडभिट्टाबाट ओपप्रकाश खापुङ, श्रवण मेचेलगायतलाई प्रहरीले पक्राउ गरेको बताइएको छ ।