भ्यालेन्सियामाथि बार्सिलोनाको गोल वर्षा, ५–० को शानदार जितसँगै शीर्ष स्थानमा

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । स्पेनिस ला लिगाअन्तर्गत आज भएको खेलमा बार्सिलोनाले भ्यालेन्सियामाथि शानदार ५–० को फराकिलो जित निकालेको छ। मेस्टाल्ला रंगशालामा भएको खेलमा बार्सिलोनाले सुरुदेखि नै उत्कृष्ट प्रदर्शन गर्दै घरेलु टोलीलाई गोलरहित बनायो।

बार्सिलोनाको जितमा लामिन यामालले दुई गोल गरे। उनले खेलको छैटौँ र ८४औँ मिनेटमा गोल गर्दै टोलीको शानदार जितमा महत्वपूर्ण योगदान दिए। फर्मिन लोपेजले २२औँ मिनेटमा गोल थप्दा राफिन्हाले ५०औँ र पेड्रीले ७९औँ मिनेटमा गोल गरेका थिए।

चार खेलबाट शतप्रतिशत १२ अंक जोडेको बार्सिलोना ला लिगाको शीर्ष स्थानमा उक्लिएको छ। टोलीले सुरुआती चार खेलमा १७ गोल गरेको छ भने केवल दुई गोल बेहोरेको छ। भ्यालेन्सियामाथिको यो प्रभावशाली जितसँगै बार्सिलोनाले आफ्नो उत्कृष्ट लयलाई निरन्तरता दिएको छ। आगामी खेलहरूमा पनि यही प्रदर्शन कायम राख्ने लक्ष्यका साथ टोली मैदानमा उत्रनेछ।