बीमा प्राधिकरणका अध्यक्ष ओझा निलम्बित

Download the Aarthik
App

Download the app today to gain immediate access to our premium financial insights, live share market data, and economic updates!

Download App

०९:४१

FOREX PRICE

USD: Buy 151.71 | Sell 152.31

आर्थिक दैनिक

Edition|Print Edition|Video|Share Market

गृहपृष्ठबैंकिङकर्पोरेटऊर्जामनोरञ्जन

#All Stories

मनोरञ्जन • १ हप्ता अघि

नेपालमा विद्युतीय गाडीको आयातमा उल्लेख्य वृद्धि

बजेट भाषणपछि विद्युतीय गाडीको बजारमा नयाँ लहर। यस घटनाले बजारमा नयाँ तरंग पैदा गरेको छ र सरोकारवालाहरूले...

बैंक तथा वित्तीय • ३ दिन अघि

नयाँ मौद्रिक नीति सार्वजनिक, सेयर बजार र घरजग्गामा उत्साह

नेपाल राष्ट्र बैंकले चालु आर्थिक वर्षको मौद्रिक नीति सार्वजनिक गरेसँगै आर्थिक क्षेत्र चलायमान हुने...

Home

Story

Explore

काठमाडौं । नेपाल बीमा प्राधिकरणका अध्यक्ष शरद ओझा निलम्बनमा परेका छन् । सरकारले ओझाको कार्यक्षमता र जिम्मेवारी पालनबारे छानबिन गर्न समिति गठन गरेपछि उनी स्वतः निलम्बनमा परेका हुन् ।

मन्त्रिपरिषद्को सोमबारको बैठकले पूर्वन्यायाधीश कृष्ण गिरीको नेतृत्वमा तीन सदस्यीय छानबिन समिति बनाएको हो । सो समितिको दुई सदस्यमा कपिलदेव ओली र जीवनप्रकाश सिटौला छन् ।

बीमा ऐेन २०७९को दफा १२को उपदफा ३ अनुसार अध्यक्ष वा कुनै सदस्यको हकमा उपदफा २ बमोजिम छानबिन समिति गठन भएपछि छानबिनको अवधि समाप्त नभएसम्म त्यस्तो व्यक्ति स्वतः निलम्बनमा पर्नेछन् । सोही दफाको उपदफा १ खण्ड (ग) अनुसार खराब आचरण, कार्य क्षमताको अभाव भएको वा पदीय जिम्मेवारी पालना नगरेको आधारमा निजलाई उपदफा (२) बमोजिम सरकारले पदमुक्त गर्न सक्नेछ ।

सरकारले अध्यक्ष वा सदस्यलाई पदमुक्त गर्नुपरेमा उपदफा २ मा उच्च अदालतबाट अवकाश प्राप्त न्यायाधीश अध्यक्ष र स्नातकोत्तर हासिल गरेको र बीमा वा आर्थिक क्षेत्रमा कम्तीमा १० वर्ष अनुभव भएका व्यक्तिहरूमध्येबाट दुई जना सदस्य रहेको समिति गठन गर्न सक्ने व्यवस्था छ । सोही व्यवस्थाबमोजिम छानबिन समिति गठन गरिएको एक मन्त्रीले जानकारी दिएका छन् ।

ओझामाथि फर्जी कागजात पेस गरेर बीमा प्राधिकरणको अध्यक्ष पदमा नियुक्ति लिएको आरोप लाग्दै आएको छ । यो विषयमा अख्तियार दुरुपयोग अनुसन्धान आयोगमा उजुरी परेको छ भने सर्वोच्च अदालतमा समेत रिट परेको छ ।